بركة الوحل

عن اللى بيحصل .. لا فرحان ولا زعلان .. كل اللى بيحصل ان اللى حوليا بيسمعوا منى جملة كتير اوى " مش قولت لكم ده هيحصل "
اللى بيحصل مش مفاجىء بالعكس كان ممكن اتفاجىء لو محصلش ..
اللى بيحصل من زمان قولته اعداء فى بلد واحدة وكل واحد شمتان فى خساير التانى . وكل واحد بيقول للتانى مفيش شماتة فى الموت ..
وهتفرج بس ربنا يعينى انى افضل بتفرج بس . لا شايل ذنب ده ولا دم ده .
اطلع من الدنيا سليم على اد ما اقدر ..
وانا صغير كنت شايف الدنيا بركة كبيرة فيها طين . والناس عماله تنط من طوبة لطوبة . عشان ميتوسخوش .. وفى ناس مش فارقه معاها ماشيه فى الطينة لحد ركبها ولحد رقبتها كمان ..
كلنا هنتوسخ لحد ما نعدى النحية التانية من البركة ..
الشاطر فينا اللى هيطلع بأقل قدر من الاتساخ ..
‫#‏بركة_الوحل‬